واذا قلت لك إني أحبك
تغير شيء ؟
تبيع الكون وتجيني ؟
تترك خزائن عدن
وتسكن بقية عمر
في عيني ؟
…
وإذا قلت لك إني أبيك
وأمد بساطي
وأفرش لك
بساطة حالتي ترضيك؟
بساطة ضحكتي.. تهنيك ؟
…
هـ.. الضحكة
ياما همست لك
تعال ضمني في الحين
وهز ضلوعي بضلوعك
خفيت الدمع عن صمتك
بقايا القلب ما تسمح
تلون جبهة الأيتام
بـ.. وهم يختلس وقتك
…
هذا الطفل لين يمرح
سألت النفس: أسراره ؟
وعزة نفسه.. من لاشيء
وفي اللاشيء.. أعذاره !
…
تراضي همه بـ .. بلسم
وانت ترياق أوجاعه
وتدري أنك الاقرب
وحلمك أكبر اوجاعه
…
ويحكيلك ..
في وحشة ليل
حكايا وقصص..
وانت نايم..
وفي قلبه
تموت وتحيا جثث!
…
يمسك قلم
يرسم علم
يلون حدوده بطيفك
يشرب الشاي
طعمه ألم
يشوف العدم
يمسح خيالاته
وظله تحت ضوء القمر..
في سما صيفك..
…
واذا قلت لك إني أحبك
تهزم العدم ؟
بلا ندم ؟
تحرق كل معابد الأسياد
وتهدّ الصنم ؟
أكتب تعليقك ورأيك