حجر

وربي ما تفهم
ولا عندك شعور
وظنك إن الشمس لك تشرق
وان الأرض لاجلك تدور!

قلت أحبك
أربع حروف تفضح أمور
ترى .. تفهم معانيها؟
تحس .. بيها
تشوفها ..
وانت الأعمى في قصر الغرور؟!

عفت لاجلك
بساتين الأندلس
حيث خزائن ألف عاشق ترقد
بانتظار لحظة همس!
تعبت أصيح واعترف
ولا ينفع معاك الدمع
ولا ينفع معاك اللمس

ظنيت لحظة إنك بشر
تعيش.. تتنفس.. تحس
مرت سنة
وأنا أذوّب في هواك
حواسي الخمس
مدري قساوة
والا عناد
والا هو النحس
على طاري تموت في غلاي
وانت مقدار الغلا عندك كلمه.. وبس!

رحلت من حياتك
وانت تقول
خلك مسجل في ركن الحضور
ودك تباهي بي
وتمسح بمحبتي بلاط القصر عند اتساخه
يا مضيع الحسّ
خليتك تشوف مني صدق المحبة
وما شفت منك إلا الوساخة!

مالك ذنب.. خط المحبة في جبينك ..
واضح وضوح الشمس
كلمة أحبك
ما تنفهم عندك
” عمر الحجر ما يحس “!!