تحياتي لمن غادر حياتي وابتعد..
ما يجي المطر.. بلا برق ورعد..
انتصر للغدر فيك وانتفض
ما يليق الوفا والحكمة لقرد..
كلمة “أحبك” ما ترخص أبد
إن هانت هانت على المذلول
وإن هامت..
سموها سعد!
إجمع خطايا الموت
لا ترك ايتام
وامسح دموع الصوت
لا زفر أوهام
وارحل لدارك يا وجه الكبَد !
يموت الحب
لا مل قلب العاشق المسكين
اللي صيّرك بيته.. وحله وترحاله
تمساح
دمعك يجرح بسكين
يسرق من البستان ريح الورد
وعطر الغد
وآماله..
يخطف شعاع الشمس
من طفل كفيف.. يرتعد..!
لعبة وقت كان لك
وانت الزمن في عينه
عجيب أمر هذا القلب
شلون يهوى.. ملاعينه !
ويحترق نار.. وهم ثلج وبَرَد..
يا الغبي فيني
ما ينفع قليبك
لا دخل انعاش
طفلة تلعب بشرايينه !
تعبان ؟ أعلن وفاته
وش ينفعك لو عاش؟
وش ينفع العاقل ..
كثرة مجانينه !
.. ادعيله مع الإمام
لا صلى وسجد !
أكتب تعليقك ورأيك