عجزت أكتب
وأنا اللي دمي كتابة
ألون صحارى الكون
بريشتي
وحبر القلب عندي
يفضح عذابه
الحين ما عندي كلام
يمكن قهر
هو القهر
سرق من ضلوعي آخر نبض
صرت أنت وأنا
وكل البشر.. لا أحد !
هجرك.. زوّد آمالي ألم
خطف الضحكة
والعطر والحلم
ولملم حطامي
لمقابر الندم!
أبي أسأل
ومدري
أحس إن الكلام
على لساني معقود
أبي الايام ترد لي حبيبي
لكن ما أبيك تعود..
كنّ اللي هويته مو أنت
كنّه حلم…
وكنّك كنت
إنت الشبه
والحق أوهام
نام
تحت سابع أرض
مع بنات جنونك
نام…!
فكرك
وأسئلتك
والعواطف عندك عبث..
أبشر
برد دمي
كثر شينك
صَيّر فراقك عندي
أضعف من حدث !