قصيدة

برسم البيع

برسم البيع

أحبك
وانت ما تعشق
وتنساني
وانا أغرق..
أشوفك
يختلط نبضي
بلهفة وشوق
أنا أعرق..

وتضحك..
تضحك ايامي
كأن احزاني
لم تُخلق..
وانت ساكن
في شرياني
تحركني
وانا الساكن
توعيني
وانا الأخرق..

وقلبك
ويلي من عِنده..
مسجّل روحه برسم البيع
وحالف للهوى يصدّه!

شفاهك
لين أرشفها
تكاشفني بأسرارك
ـ يخطّ الحزن أخبارك ـ
تقول:
يعشق
ويتألم
والشهوة هدّت سنينه
خوّاف
ما تلومه في يوم
لكن تقول
الله يعينه!

تذوب الدمعة في القبلة
واحسّ الحب في انفاسه
ما همي
لو ينفيني
وانا احيا جوا احساسه!

 

السابق
الحبيبة
التالي
يعشقني

اترك تعليقاً