في انتظار حكاية حب يعيش الناس
وانا ودّي لو تخلص بلاياها..
يظن الوحيد إنها متعة واحساس
وإن الجنة في حناياها..
يسميه حاسدي “حب”
وانا “وسواس”
والدمعة لو نزلت
يقول: ما احلاها!
قصتي يوم ابتدت
تغيّر نظام الكون
النبض والناس
وريح الورد.. واللون
وكل أسرار السهر
فهمت معناها..
غير الجسد يا غبي
هذا الهـوى
هذا اللي يغرّد في حقول النفس
ويلوّن سجاياها..
هذا اللي ينزع الفتنة من شهوتك
يتلاعب بفرحتك.. بمهجتك
يحكم العقل والقلب
ويبرّر للأنثى خطاياها!
بينهم صرت الملاك الحين
تخيّل كيف تعيش وسط البشر؟
ذاب الحجر لين
الحب باسلحته عليك انتصر
وصرت الذليل في قصور النشوة
وصرت الأسير في زواياها!
محمد عيد