تغريدة

تغريدة

قلبي حط رحاله هون
نام وريح عشفافك
صرت الضحكة
وصرت الكون
ومات الماضي عكتافك

بسَما هالقلب ممرجحني
خايف من نسمة تجرحني
من نظرة غيرك تلمحني
وانت الكل بيخافك

مطوعلي العالم والناس
وفاتحلي قصور الإحساس
شايف بعيونك ألماس
ساحر كل اللي شافك!

شايل عن قلبي همي
بعتم الليل ساكن يمي
صرت الأغلى من دمي
وملح الدنيي بأصدافك!

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *