قصيدة

مسارح عشقي الأسود

مسارح عشقي الأسود

يبقى لي في عزة النفس أكوان
أسكن كواكب وارتقي السلم
ما ضرّني في هجره إنسان
أو ضاف لجرحي بحبّه البلسم !
مُعْدَم
قلبي من وُلد
مُعدم
وتنزل دمعتي عادة
تداعب ظلمة وسادة
واشتكي وحدتي
لوحدي
واضم ذراعيَ المفتوح
واسجّل: أُغلِقَ المَنْجَم !

عيونك الـ باحت لي بالسرّ
وعشق الدنيا ف عيونك
تكابر !
مهما حبيتك
مكانك خارج الأسماء
ولحنك خارج النوتة
نشاز الودّ
ما احبّه
في شدّ الحبل
ما أنفع
رَحَلْت
شوفني.. ردّيتك ؟؟
تراني مو لعبة ف الاصبع !
تبيلي الحب.. حبيتك
تبي تطلع
تعال إطلع!
أحبك دام الحبل ممدود
تبي تقطع
أنا الـ أقطع !

مسارح عشقي الأسود
ذبَحْها الخمر
واللوعة
وهدّ قصورَها الماضي
وخانت ودّها الدمعة
ترى فيني بقايا حسّ
بصيص النور
من شمعة
أداريها في عصف الشتا
أعاني تخمة م الصبر
وكل خلايَايَ جَوْعَى !

السابق
لي الغد
التالي
نويت أرحل

اترك تعليقاً